Espadas, que encabezara campañas contra o botellón na capital galega, cesou no cargo o pasado 14 de abril tras ser detido bébedo ao volante e procesado por un delito contra a seguridade viaria. Mentres tiña un posto no Concello compostelán figuraba en excedencia forzosa do seu posto de vixiante fixo de defensa contra incendios forestais no Distrito III da contorna compostelá. Logo de deixar o posto público tiña 30 día para solicitar o reingreso, petición que non cursou, polo que a CIG reclama que o seu posto é vacante a todos os efectos e debe figurar na relación de prazas dispoñibles no concurso a disposición do persoal laboral fixo da Xunta. O sindicato reclama que se resolva esa circunstancia. Mentres, Espadas ocúpase de xestionar a campaña electoral do candidato do PP a Alcaldía de Santiago, Gerardo Conde Roa.