ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Ás 12 da noite remata o prazo para presentar na Xunta electoral as candidaturas ás eleccións municipais.
Finalmente Podemos non presentará candidatura en Fene. A través de facebook, Podemos de Fene critica a decisión de Podemos Galicia impedindo ao círculo local presentar candidatura baixo esa denominación. Novidade é a presentación da candidatura Compromiso por Galicia, que encabeza Xoan Manuel Rodríguez Bastida (edil de Somos Fene na actualidade) seguido no numero dous por Ana Isabel Sánchez Martínez (economista, veciña de Sillobre).
Confirmadas están tamén as candidaturas de EU que encabeza Maricarmen Martínez seguida de Bruno Aneiros. O mesmo a do BNG,a primeira que se deu a coñecer, con Juventino Trigo e Sandra Permuy encabezando a lista.
O PP xa ten pechada tamén a candidatura que encabezan Gumersindo Galego e Rocío Bértoa. No terceiro posto a novidade da lista popular é Tamara Miragalla, unha xove de Maniños Educadora Social.
O PSOE presenta a unha muller como candidata á alcaldía, Mar Piñeiro Otero, arquitecta técnica, natural de Maniños que será a numero un socialista e Antón Noceda ocupará o segundo posto. De momento este é o panorama pre electoral de Fene para os comicios locais. De todos os xeitos, ata as doce da noite poderían producirse algún novo movemento.
(na imaxe, colexio electoral de Fene. Casa da Cultura)
Publica o teu comentario agora