Vinte alumnos e alumnas do idioma galo puxeron o mandil e prepararon Bsissa, un prato elaborado con fariña de trigo, fariña de cebada e fariña de garavanzo. Mistúrase con aceite de oliva, engádese azucre e decórase con dátiles e froitos secos. Tamén se preparou Salade tunisienne e Masfouf. Degustaron logo os pratos preparados e de sobremesa gostaron do Jwajem e de café turco. Dhouha explicou para Radio Fene a preparación dun dos pratos, Bsissa. 
As actividades continuarán na Escola de Idiomas de Ferrol mañá mércores. As dez da mañá na cafetería pequeno-almoço luso-brasileiro. Presentaranse os códigos QR sobre as mulleres ilustres que dan nome ás aulas, Degustaranse produtos do horto urbano. As cinco e media presentarase o libro Leandro Lamas. As oito concerto de música a cargo de Xoán Curiel. As Xornadas Culturais da Escola de Idiomas de Ferrol rematarán este xoves.