Para xantar ben non é preciso dispoñer de moito tempo nin de produtos caros. Nin sequera ser un xenio dos fogóns. Por iso, o Concello de Fene propón un obradoiro de cociña para vagos e vagas no que pretende ensinar aquelas técnicas e receitas para xantar “á carta” todos os días e preparar uns pratos tan ricos e ben presentados que permitan quedar de marabilla cando se convide a alguén.

O obradoiro consta de 18 horas e celebrarase todos os venres, desde o 19 de outubro ata o 23 de novembro, de 18 a 21 horas no local de Icook Escuela de Cocina, en Perlío. Hai 15 prazas disponibles e a cuota a abonar é de 38,60 euros para persoas adultas e de 30,90 euros para maiores de 65 anos. A inscrición abrirase do 1 ó 5 de outubro nas dependencias administrativas do pavillón municipal A Xunqueira, en San Valentín.
Os aparellos de cociña de uso individual, así como os produtos para as receitas correrán por conta do alumnado, namentras que os apuntamentos e receitas corren por conta da empresa prestadora do servizo. Haberá uso compartido de placa de indución, forno de vapor, microondas e, no caso necesario, hermomix ou robot de cociña equivalente.