Na iniciativa participan unha ducia de maiores, que compartiron xa na primeira das sesións celebradas as súas preocupacións sobre a educación dos seus netos e netas. A sesión deste xoves celebrarase no horario que xa estaba previsto, de 12:00 a 13:30 horas na aula da primeira planta da Casa da Cultura. As xornadas son impartidas por técnicas do departamento de Educación Familiar do Concello de Ordes, que tal e como explicaron, basean o seu traballo no libro de Emilio Calatayud “Reflexiones de un juez de menores”.