Coidar os pés da rapazada

Coidar os pés da rapazada

03 de Novembro, 2016 - 12:00 h. | Publicada por Radio Ordes

Procesos preventivos e de curación de doenzas nos pés. Iso é a reflexoloxía podal. As persoas que queiran adquirir coñecementos básicos poden acudir a un obradoiro en Ordes.

O vindeiro sábado 12 de novembro terá lugar, de 10 a 14 horas no local social situado na rúa Reconciliación, en Ordes, un obradoiro de reflexoloxía para bebés. As persoas que queiran participar xa se poden inscribir no Departamento de Cultura do Concello. Os coñecementos que se impartirán centraranse nas zonas reflexas dos pés e en como traballar con eles para solucionar problemáticas relacionadas cos cólicos lactantes, refluxos, catarros, otites, farinxites, conciliación do sono etc. O prezo é de 50 € por persoa.

Sociedade