ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Concellería de Cultura e Deportes, dirixida pola socialista Carmen Silvar, principia a campaña informativa para a matriculación das actividades deportivas e culturais do curso 09-10. Ademáis da extensa oferta de cursos este ano se incorporan como novidades o obradoiro de Pilates e obradoiros específicos de grafitti para o Colexio A Xunqueira e circo para o Centro de Ensino de Centieiras.
O prazo de matriculación nas Escolas Deportivas ábrese o vindeiro luns 14 coas inscricións soamente para as escolas da piscina municipal. Do 15 ao 23 de setembro poderán matricularse no resto de escolas e nas prazas libres na piscina municipal. As inscricións realizaránse nas dependencias administrativas do Pavillón “A Xunqueira” de San Valentín, en horario de dez da mañá a unha do mediodía. Os mércores 16 e 23 de setembro a matriculación poderá facerse tamén en horario de catro e media a sete do serán.
A matriculación das Escolas Culturais será do xoves 1 de outubro ata o xoves 8 de outubro nas dependencias administrativas do Pavillón “A Xunqueira” de San Valentín. Poderán formalizarse en horario de dez da mañá a unha do mediodía. O mércores 7 de outubro a matriculación poderá facerse tamén en horario de catro e media a sete da tarde. Durante o curso só se admitirán novas matriculacións sempre que existan prazas libres ou se produzan baixas na escola en cuestión e as altas non interfiran o normal funcionamento do grupo de traballo.
Os obradoiros deportivos e culturais tamén realizarán a matrícula nas dependencias administrativas do Departamento de Cultura, Deportes e Xuventude (Avda. Naturais 44, entrechán dereita).
Para maís información ven de editarse un pequeno libro coa oferta deportiva e cultural coa que van contar os diferentes sectores de idade. Os libros repartiránse nos vindeiros días nos centros de ensino, nas dependencias do Concello e nas instalacións municipais. Tamén na páxina web municipal pódese descargar a través dun banner toda a información relativa aos días, datas idades e prezos de matriculación.
Unha trintena de actividades encherán así o tempo de lecer dos máis novos e dos maiores, con actividades como ioga, bailes latinos, informática, e obradoiros específicos para os Centros de Ensino.