Ao igual que nas anteriores sesións, celebraranse seis accións teatralizadas, de breves sketchs cómicos, a través dos cales dúas actrices -Alicia Seoane Orro e Helga Méndez García- amosarán aos cidadáns e cidadás certas accións incívicas e como corrixilas. Estarán relacionadas coa recollida dos excrementos dos cans nas rúas, o roubo das flores dos espazos públicos, a reciclaxe, o horario para depositar nas rúas as bolsas de lixo, o uso das papeleiras ou a pegada de carteis ou adhesivos no mobiliario urbano (farois, bancos, etc.).

Todas estas accións repetiranse cada fin de semana coa finalidade de que o cidadán respecte e aplique as prácticas medioambientais correctas. Os sketches terán unha duración de aproximadamente dous minutos por acción e práctica a corrixir e representaranse en varios puntos da cidade.