Serán un total de 850 racións, sumando as racións de orella, tripas e bocadillos de liscos, as que se poñerán á venta a partir das 13:00 horas na que será a edición número 27 da Festa da Orella. Adobiadas todas elas con pan de Neda, patacas, viño ou auga. Quen visite o Parque da Hortiña de Limodre atopará un espazo público coidado, con preciosas instalacións, parque infantil e preparado con tódalas comodidades para a celebración desta Festa gastronómica que vai camiño de converterse nun clásico na comarca. A música terá tamén o seu protagonismo. Durante a xornada un trío local de música tradicional acompañará aos comensais e as actuacións iniciaranse ao redor das 16,30 horas coa CoRRal PoliAfónica do Aturuxo de Melpómene. De seguido subirán ao escenario o grupo folk Brixta e para rematar a tarde o dúo H&C animarán ás persoas visitantes a bailar ata rematar a festa.