O proxecto conta cun orzamento de 8,55 millóns de Euros e o Ministerio de Medio Ambiente xa adxudicou a súa realización incluindo o aporte de 340.000 metros cúbicos de áridos que van ser incorporados ás praias de Riazor, Orzán, Berbiriana e San Amaro. A excusa: gañar espazo para os bañistas do verán, segundo indican o grupo de contrarios á iniciativa.

Afirman que o proxecto modificará este espazo público e producirá danos serios na fauna e flora mariñas. Asemade veránse afectadas varias familias que traballan na extracción de vermes (poliquetos) e que están adscritas á Confraría de Pescadores da Coruña.