O equipo local mantivo no Pote o control do partido desde o pitido inicial pero non deu xenerado ocasións claras de gol antes do descanso, exceptuando dúas xogadas de Pelé. A segunda parte comezaba cunha dinámica similar, pero o Abellá aproveitou unha pérdida de balón no medio do campo para  adiantarse no marcador cun tiro desde fóra da área. Quedaba media hora, e o Maniños logoru empatar aos dez minutos cun gol de Churras. O dianteiro mugardés fallou un penalty para engadirlle máis emoción aos últimos compases do partido. No último minuto do desconto, Blanco quedou só diante do porteiro de Frades e acertou a marcar o gol que valeu unha temporada.