Sen embargo, con data 5 de marzo, a secretaria municipal conclúe nun informe realizado por petición do PP, que “as obras non se atopan legalmente amparadas e debe requerirse á concesionaria a súa paralización ata dispor da autorización correspondente”.

A asociación de veciños solicitan do Concelleiro de Medio Ambiente, Carlos pazos, “unha rectificación pública polo trato infrinxido a un representante veciñal”, xa que segundo afirman o secretario do colectivo foi expulsado do despacho do concelleiro por recriminarlle que se estiveran a realizar as obras sen contar coa preceptiva licencia municipal. Unha ilegalidade que o edil negou e que agora ven de confirmar “no seu informe a secretaria”.