O grupo Covalblú nace en 2007 por mor das inquedanzas dos seus cinco compoñentes pola música tradicional galega. Todos os seus membros, debido a súa experiencia noutras formacións, teñen actuado en numerosos puntos da xeografía galega, española e europea (festivais como Ortigueira, Lorient ). Entre os seus últimos concertos cabe destacar en marzo de 2008 a participación do grupo na final do Festival Folk de Cancioneiros da Fundación Pedro Barrié de la Maza, onde a formación obtivo unha mención especial por parte do xurado.

Foi esta mención a que fixo que Covalblú se animasen a autoeditar o seu primeiro álbum, “Mai”, xa na rúa distribuído por Lonxa Cultural.