Cris é pichichi

Triunfa e golea o noso futbol feminino.
28 de Xaneiro, 2020 - 12:26 h. | Publicada por Radio Fene

O Maniños feminino non falla, venceu por 6 a 1 ao Rosalía, e písalles os talóns ás de arriba.

ESCOITA O PODCAST:

O Cultural Maniños gañou por 6-1 ao Rosalía. As xogadoras do Maniños mereceron os tres puntos pero non foi tan facil, afirma o técnico. Carlos Gómez di que foi un partido disputado, sobre todo na primeira parte porque o Rosalía estaba ben plantado no campo. Aínda así chegouse ao descanso com vantaxe do Maniños, de 2-0.

Na segunda parte o equipo visitante deu probas de desgaste físico e o Maniños xa dominou comodamente. Cristina Silvar volveu destacar con tres tantos no seu haber ( 9’ 48´ e 51´) que a fan de momento “pichichi” da liga. Marcaron os outros tres, Paula, Rebeca e Sheila. Carlos Gómez referiuse à veterana xogadora, a Cris, como a que tira do carro, non só metendo goles.

O Cultural Maniños segue ocupando a terceira posición empatadas a puntos coas segundas do Caranza e a dous puntos das primeiras, As Pontes. A próxima xornada, o Maniños visita ao San Sadurniño, un rival que non falla, no campo da piscina. Será sen Yoli nin Laura, lesionadas. O encontro xógase o sábado às 19:30h.

Deportes

Publica o teu comentario agora