Segundo Cristina Pato, este disco abre unha vía na colaboración de ambas artistas, que xa teñen planificada unha xira na primavera de 2011; sen embargo, non precisou unha data de realización para o vindeiro proxecto conxunto. Ambas artistas consideran este traballo como un retorno á música clásica tralo seu paso por estilos populares, ademais de supor o fin dun ciclo. A cantante Rosa Cedrón destacou esta colaboración como un soño feito realidade e resaltou a linguaxe única que se reflicte neste disco.

Segundo afirmou Fernando Luaces,  director do selo Do Fol, que edita o disco, a obra pódese adquirir tanto en soporte físico como dixital, xa que existe a posibilidade de adquirir o álbum na rede ou de escoitar nela as cancións de balde. Asemade, Luaces apuntou que o disco non tivo un presuposto desorbitado, por mor da mala situación do mercado musical actual.