Con motivo do Día de Todos os Santos e o Día de Defuntos, o Concello de Fene amplia os horarios do cemiterio municipal, así como pon en marcha dun servizo de transporte especial. En primeiro lugar, o camposanto permanecerá aberto o venres 1 de novembro de 8 a 22 horas e o sábado 2 de novembro de 9 a 20 horas, de forma ininterrompida. Así mesmo, o venres día 1, infórmase que se oficiará unha misa ás 17 horas na capela sita no interior do recinto.

Na mesma liña, o servizo de transporte especial realizarase conforme ás seguintes datas e horarios: o xoves, 31 de outubro, so en horario de tarde, e o o venres 1 de novembro, e sábado día 2, de mañá e de tarde. No horario de mañá, a saída está prevista do cuartel da Garda Civil ás 10 horas e o regreso estímase ás 12 horas. No horario de tarde, a saída, do mesmo punto, será ás 16 horas e o regreso ás 18 horas. A concelleira responsable do cemiterio, Juana Barro, informa que o cemiterio permanece aberto toda esta semana nas horas do mediodía.