No acto de entrega participaron gran parte dos participantes desta acción educativa, ademais das alumnas do 3º ano de coidados de maiores a domicilio. Rodríguez Patiño, crego de Labrada, tamén procedeu a dar os diplomas de asistencia ás dúas Xornadas que celebrou a Federación Galega de Medio Ambiente en Vilalba e Xermade durante o mes de xullo.
Neste encontro estiveron invitados membros da plataforma pro labrada, Consello de Maiores de Labrada e dous representantes dos Consellos de Maiores de Momán e do Consello de Anciáns de Xestoso. No curso desta celebración, a Directora da UNED de A Coruña deu a coñecer o novo curso e as súas asignaturas. Ademais, Blanco tamén informou de que este ano o curso comezará en Outubro e non en Novembro como no 2008-2009.
Novas asignaturas
Susana Blanco presentou a nova formación para o ano académico 2009-2010, que estará formada por catro bloques.
Así, no Bloque I: Desenrolo Persoal, trataranse temas como prevención de la saúde e do deterioro cognitivo; educación permanente: aprender na idade madura; nutrición e dietética; a actividade física e a súa Incidencia na saúde; a sexualidade na idade madura ou os coidados a maiores dependentes.
No Bloque II, Cursos Instrumentais, os alumnos poderán cursar materias como idiomas; economía e finanzas; lingua; informática e novas tecnoloxías e mesmo primeiros auxilios.
No terceiro Bloque, Cultura Xeral e Divulgación Científica, estudarán literatura; historia e arte; cine e teatro; radio, televisión e prensa; ou Filosofía.
Por último, no Bloque IV: Temas de actualidade, tratarán os problemas ambientais: reciclaxe e utilización adecuada dos recursos; xénero; inmigracións; bioética: orixe e fin da vida; institucións e organizacións ao servizo do maior; ou a Constitución e a organización do Estado.
Aberto o período de inscripción
A UNED Senior de Xestoso-Cambás xa ten aberto o seu período de pre inscrición para o vindeiro curso, o 2009-2010. Para aqueles alumnos que cursaron o primeiro ano e queren rematar os seus estudos, e para os que queiran inscribirse por primeira vez, poden descargarse o formulario obrigatorio da web da UNED, na dirección www.uned.es/senior.
