ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O padeeiro de Cangas David Cal logrou esta mañá medalla de prata na proba de 1000 metros en C-1 nos Xogos Olímpicos de Londres. Realizou uns últimos 250 metros espectaculares e a piques estivo de alcanzar ao alemán Sebastián Brendel. Quedou a 877 centésimas do gañador.
Cal, subcampión mundial en 2003, deuse a coñecer en todo o seu esplendor nos Xogos de Atenas, en 2004, onde o padeeiro galego colgouse a medalla de prata en 500m e a de ouro en 1.000m, sempre na modalidade de C-1. Catro anos máis tarde, en Pequín, cita na que foi o abandeirado español na cerimonia de inauguración, volveuse a subir ao caixón para recoller as dúas medallas de prata que logrou nas mesmas probas.
"Non sinto que fixese historia, a verdade. Agora só quero gozar desta medalla", asegurou o subcampión olímpico tras a proba, informa Efe. "Esperaba estar algo máis adiante ao comezo da carreira, pero gardei enerxía para o final e vinme bastante ben nos últimos metros, onde remontei".