O programa do 'Cocido do Orgullo' arrincou o xoves e continúa o venres cun seminario, un recital de poesía e a proxección dun documental. Xa pola noite, ese día, haberá música na Praza da Igrexa co 'Festilalin', da man de Martín Maez e Davide Salvado.

O sábado haberá unha mostra de artesanía e gastronomía, unha exposición, talleres, xogos familiares e cooperativos, a presentación dun libro, sesión vermú, pregón, a comida --ás 14,30 horas, nos restaurantes acreditados--, zumba solidario, proxeccións e, de novo a partir das 22,30 horas, a continuación do 'Festilalin', con De Vacas, Ses e picadiscos.