ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Unha exposición no Museo do Pobo Galego exhibe os materiais da antiga firma metalgráfica. La Artística foi a principal empresa galega na elaboración de latas e o seu nacemento en 1906 permitiu situar a Galicia como líder do sector en España, e no grupo de cabeza dos paises produtores das latas de conserva. A empresa contou con fábricas na Coruña e en Vigo. A mostra inaugúrase este martes ás 7,30 da tarde nas dependencias de Santo Domingo
A exposición comeza cunha breve introdución sobre a industria conserveira e metalgráfica en Galicia, facendo especial mención a La Artística. Continúa cunha concisa explicación do procedemento de litografado do metal e tamén da elaboración do propio envase. Finalmente faise unha análise desde o punto de vista artístico dos diferentes deseños publicitarios empregados nos envases de lata.
A industria das conservas no mundo comezou en 1810, cando Nicolás Appert gañou un premio convocado por Napoleon Bonaparte para quen descubirse o mellor método de conservar os alimentos para a subministración do seu exército. En Galicia a fábrica de conservas herméticas convértese nun sector industrial desde a década de 1880. Os envases axiña incorporarán decoración, marca e información sobre o produto, a través da litografia. A industria conserveira galega estimulará o sector da metalgráfica, que tamén atenderá a demanda doutros sectores industriais.