ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Un total de 601 persoas inscribíronse na VI edición da Carreira e Andaina de San Silvestre que organiza este sábado o Concello de Fene. Unha cita que congregará a veciños e veciñas de todas as idades para despedir o ano facendo deporte. Desenvolverase polas rúas de Fene, con percorridos que oscilan, segundo a idade, entre os 100 e os 3,75 quilómetros. En todo caso, arrancará ás 16,30 horas da casa consistorial, cun marcado espírito festivo e a participación é gratuíta para todas as categorías de menores (e 2 euros para a carreira absoluta).
Na carreira absoluta anotáronse 316 atletas, namentras que nas categorías menores están apuntados 152 e, a andaina, contará con 133 participantes. Saída e meta están fixadas na casa consistorial e as categorías son as seguintes: Pitufos (nenos/as nados/as en 2014 e 2015) cun percorrido de 100 metros; Sub 8 (2013-2012) e distancia de 200 metros; Sub 10 (2011-2010) e 400 metros; Sub 12 (2009-2008) e 800 metros; Sub 14 (2007-2006) e 1.200 metros; Sub 18/Sub 20 (2002-2003-2004-2005) e 2.500 metros; Absoluta (2001 e anteriores) e 3.750 metros e Andaina para todas as idades
e un percorrido de 2.500 metros. A saída irase realizando de forma escalonada, segundo a categoría e comenzando pola absoluta. O circuito, sobre asfalto, estará pechado ó tráfico e controlado por Policía Local e Agrupación Local de Voluntarios de Protección Civil, así como membros da organización. Así mesmo, as persoas participantes deben retirar hoxe, venres 28, o seu dorsal-chip no pavillón da Xunqueira en horario de 9 a 13,30 horas e de 16 a 22 horas ou mañá sábado, día 29, no salón de plenos da casa consistorial de 10,30 a 13,30 ou de 15 a 16 h. Os tres primeiros clasificados da categoría absoluta masculina e feminina e da Sub 18/Sub 20 tamén masculina e feminina recibirán un trofeo ou obsequio e todos os participantes, un agasallo.
Publica o teu comentario agora