O proxecto inclue a pavimentación da calzada e zonas de aparcamento na estrada provincial desde a farmacia ata o instituto de Barallobre. Tamén se pavimentará a rúa da Pomba. Incluense asimesmo rampas de acceso a vivendas, remate do muro de contención situado fronte ao cemiterio parroquial e execución dun novo lavadeiro no rio da Abeleira. A Deputación anunciou a contratación da travesia de Barallobre en xaneiro do 2007. O orzamento inicial da actuación superaba os 820.000 euros. A obra incluía beirarrúas neste vial desde a farmacia ata as pistas de atletismo. A actuación contemplaba a construcción de beirarruas, e instalación de alumeado e saneamento. A quebra da empresa adxudicataria provocou un retraso e a Deputación tivo que redactar un novo proxecto coas actuacións que restan por executar. Agora sácase a licitación a obra. Terá que adxudicarse, e unha vez se asine a acta de replanteo, realizaráse no prazo de 5 meses.