Desaparece a nave de Fondomar

Despois de moitos anos demandando a demolición, esta a punto de conquerirse.
02 de Setembro, 2020 - 11:30 h. | Publicada por Radio Fene

O concello de Fene prorrogará por un ano máis o contrato coa empresa "Atendo" do servizo de axuda a domicilio, cuxo número de usuarios aumentou nos últimos meses a causa da crise sanitaria provocada pola Covid19. O asunto irá mañá ao pleno ordinario que se celebra ás seis da tarde.

ESCOITA O PODCAST:
A nave de Fondomar xa está practicamente derrubada

O concello de Fene prorrogará o contrato coa empresa “Atendo calidade” para seguir prestando o servizo de axuda a domicilio por un ano máis. O asunto someterase a aprobación da corporación fenesa no pleno que celebrará mañá xoves 3 de setembro ás seis da tarde. A crise sanitaria da Covid19 provocou o aumento das altas neste servizo de axuda a domicilio xa que Fene, en tempo normal, atendía a unhas 120 persoas, un número que se incrementou en 65 máis, vinte delas definitivas. “ Pouco a pouco estamos volvendo á normalidade” afirma o alcalde de Fene, Juventino Trigo, quen aclara que unha parte do custe do servizo asumiuno a Xunta de Galicia e outra o propio concello. Daquí a fín de ano veráse como queda a situación destas persoas de nova incorporación ao servizo.

Inicio do curso escolar

No mesmo pleno de mañá o BNG presenta unha moción na que demanda á Xunta que asuma a súa responsabilidade diante do inicio do novo curso escolar. Trigo critica que van empezar cun protocolo de mínimos e con moitos aspectos por aclarar. O alcalde fenés pon como exemplo a limpeza dos centros que “se lle vai cargar aos concellos”. Xa era este un tema pendente desde 2006 entre a FEGAMP e a Xunta de Galicia. Agora os concellos vénse na obriga de incrementar a limpeza e hixiene dos centros escolares, mesmo poñendo un turno de mañá. Afirma Trigo que o concello está disposto a colaborar pero non se lle pode cargar esa responsabilidade sen ter o financiamiento adecuado que en Fene calculan se incrementará nuns 100.000 euros. “Faltan catro días e falta previsión” afirma Trigo, quen enviou un escrito á Consellería de Educación demandando algunas aclaracións, sen obter resposta algunha. O concello ultima estes días algunhas pequenas obras nos centros para que estén a punto a vindeira semana.

Nave de Fondomar.

Hai tres semanas que comezou o derrubo da nave de Fondomar na Ribeira de Barallobre. O concello de Fene está pendente do remate da demolición para manter un novo contacto con Portos de Galicia a fín de que se leve a cabo tamén a demolición da antiga depuradora ubicada a escasos metros, no peirao de Maniños. Había un acordo verbal con Portos para executar esa outra demolición e, segundo Juventino Trigo,  este sería o momento de facela efectiva.

Institucional

Publica o teu comentario agora