A detención foi posible grazas á colaboración cidadá, xa que varios veciños alertaron de que dende hai semanas un individuo se dedicaba a vender sustancias estupefacientes nas inmediacións da gasolineira de Rande, o que estaba a causar gran alarma social no vecindario. Ante as denuncias, a policía nacional estableceu un operativo policial que permitiu a identificación e detención do traficante na xornada de onte.

Unha vez identificado, realizouse un rexistro no seu vehículo e interviñéronselle oitenta doses de heroina. Ao detido, quen pasou xa a disposición do xulgado de garda de Redondela, cónstanlle oito detencións anteriores dende roubo con intimidación, ata agresión sexual, malos tratos, conducción baixo a influencia do alcol e tráfico de drogas.