Segundo Pedro García Espasandín, director da Escola Obradoiro “Gascón” de Ferrol, non existe unha gastronomía propia da Semana Santa pero sí unha serie de tradicións moi arraigadas como a de que os padriños agasallen aos afillados un ovo ou figura de chocolate o Domingo de Pascua. Son tradicións moi antigas pero de orixe incerto, segundo este experto reposteiro. 

Tempo de espiritualidade relixiosa para uns e de descanso para outros, a Semana Santa ten tamén a súa parte doce. Os “ovos de chocolate” e as “monas de Pascua” son os grandes protagonistas nestas datas. Adoitan levar algunha que outra sorpresa no interior ademais de seren moi vistosos.  

O que se está a perder, segundo Pedro García Espasandín, é o costume de regalar o roscón de Pascua, moi similar ao de reis aínda que sen sorpresa no interior. O director da Escola de Pastelería Gascón asegurou a Radiofusión que esta é unha tradición que vai a menos aínda que todavía algunha xente encarga o seu roscón con tantos ovos como anos teña o afillado ou afillada ao que vaia dirixido.