Jaspe, Márquez, Anido, Moscoso ou Lago son algúns dos apelidos ilustres da familia propietaria do Pazo de Barallobre. Varios habitantes da casa grande, hoxe desaparecida, foron militares que levaron o nome de Barallobre ás máis diversas batallas. A construcción do Pazo de Barallobre data de finais do século XVI. Foi Fernando de Lago e Obaña quen o ergueu en 1591.

Da historia do pazo de Barallobre, destruído en 1978, falará a exposición que inauguran Radio Fene e a Liga de Amigos coa colaboración do Concello de Fene, o próximo mércores 22 de outubro, con motivo do 30 aniversario da emisora municipal.

Outro propietario do Pazo foi Lanzarote de Lago que morreu en 1626. O sobriño do primeiro señor do pazo, o crego Fernando de Lago Bugueiro, fundou a capela do Bon Xesús, inaugurada o 14 de abril de 1648, no lugar do mesmo nome ainda que logo se trasladou para as inmediacións do edificio señorial. A horta do pazo chamaba a atención pola variedade e riqueza. Había moitas árbores exóticas chegadas dende distintas partes do mundo. As abeleiras colgaban sobre o camiño das Chousas. As excavadoras tiraron o pazo de barallobre antes das primeiras eleccións municipais democráticas. Sobrevivíu o escudo dos propietarios e un piñeiro centenario que é a testemuña máis visíble do inmoble.

Boa parte da exposición amosará cadros de Jaspe Moscoso, o pintor romántico que naceu en 1856 e que conta con obra nos museos de Belas Artes da Coruña, no Jovellanos de Xixón e no museo de Pontevedra. O 30 aniversario de Radio Fene é a disculpa para a organización da exposición sobre o pazo de Barallobre que permanecerá alí ata mediados de novembro.