A banda viguesa mestura instrumentos pertencentes a nosa cultura como gaitas, requintas, zanfoñas con outros do ámbito do folk como arpas, contrabaixo ou violíns para producir un timbre único e característico. As súas melodías pertencen a unha tradición que se transmitiu durante séculos oralmente de xeración en xeración.

O Teatro Jofre de Ferrol acolle este venres ás oito e media a actuación de Sondeseu. Un espectáculo que solprenderá ao público pola coordenación dos 40 músicos e o caudal de enerxía que desprenden nos seus directos. O prezo da entrada ascende aos 10 euros.