“Es mi voluntad” é a canción coa que Enrique Ramil aspira a participar en Eurovisión 2010. É un tema pegadizo e bailable, realizado específicamente para o certame, segundo revelou o propio artista a Radiofusión. A composición e producción da peza correu a cargo do seu tío, Manuel Ramil, co que comparte un estudo de grabación onde, amais de preparar o que será o seu segundo dísco, realizan jingles e sintonías comerciais e de radio.

Para Enrique Ramil, esta aventura de Eurovisión non é máis ca unha forma de seguir abríndose camiño no complexo e competitivo mundo da música. Consciente de que o vai ter difícil para chegar á gala final que celebrará Televisión Española para escoller ao representante español no Festival, asegura sentirse satisfeito polos máis de catorce mil votos conseguidos ate o momento. Ademais, de non acadar o obxectivo, promete que o seguirá intentando en vindeiras ocasións.

Quen queira votar por Enrique Ramil e apoialo na súa carreira eurovisiva pode facelo na mesma páxina de RTVE ou a través de www.enriqueramil.com.