Un equipo multidisciplinar formado por unha psicóloga e un traballador social, atenden o Quérote, apoiados dende o centro coordenador por educadores sociais e enfermeiros. Ademais da resolución de dúbidas e consultas, o centro realiza campañas e actividades comunitarias en centros de ensino, ANPAs e colectivos de discapacitados.

A psicóloga do centro Quérote de Ferrol Nuria Roibás explicou esta mañá algunhas das iniciativas desenvolvidas ao longo do seu ano de vida. Na campaña Lambetadas, por exemplo, repartiron preservativos de sabores.

O Centro Quérote atende de forma presencial nos seus locais ubicados na Rúa Santa Comba, 61 na zona de Ultramar de Ferrol. Tamén facilitan información e responden a consultas de xeito inmediato e anónimo por teléfono ou a traves da páxina de Internet quérote.org.