No caso de obter acta do deputado, o líder da FPG garante o seu apoio para formar goberno ao partido que o precise con tal que de non o logre o PP, pero o seu escaño empregaríao para facer crítica, sen participar do Goberno. Para Méndez Ferrín, resulta capital a reorganización administrativa de Galicia, facendo desaparecer as provincias e apoiando a xestión do país nas comarcas e na figura administrativa da parroquia, tal e como xa demandaban Castelao e as Irmandades da Fala e como acontece, por exemplo, en Portugal. Conclúe que non facelo sería unha traición aos fundadores do nacionalismo.