Trátase de dúas taboíñas de arxila sen cocer, que constitúen os textos asirios máis antigos descubertos ata a data no val do Medio Éufrates. Este novo achado sitúa á arqueoloxía española ao máis alto nivel da investigación no ámbito da historia antiga de Mesopotamia, ao ser a primeira vez que unha universidade do noso país atopa taboíñas cuneiformes no que foi o berce da civilización.

Para dar a coñecer este novo descubrimento, a Universidade da Coruña celebrará mañá venres unha rolda de  prensa no que participarán diferentes especialistas, entre eles o director do PAMES e profesor da Facultade de Humanidades de Ferrol Juan Luis Montero Fenollós.