A quenda de FEAPS Galicia comezou onte, de 11.00 a 13.00 horas pola mañá, e de 18.00 a 20.00 horas, na mesma calle luguesa. Esta é a súa quinta escala, despois de pasar polas cidades de Vigo, Ourense, Santiago e Ferrol para amosar as actividades levadas a cabo. Nesta exposición amosáronse as actividades de ASPNAIS, asociación de Lugo integrada dentro da federación Special Olympics.

Así, membros de APSNAIS estiveron presentes no lugar de realización da mostra dispostos a informar das actividades desenvolvidas e dos servizos prestados pola entidade. Por outra banda, un grupo de deportistas integrantes desta asociación, en representación de Special Olympics Galicia, organización dedicada á promoción das persoas con discapacidade a través do Deporte e do Ocio, realizaron unha pequena exhibición de deportes minoritarios, como son: salto dinámico, bowling, recepción de pelota, tiro a porta, lanzamento de precisión e habilidades con raquetas e pelotas, entre outros.

Con esta actividade pretendeuse dar a coñecer á sociedade o importante papel levado a cabo polos voluntarios das organizacións sen ánimo de lucro galegas. Por este motivo, FADEMGA FEAPS Galicia, entidade que aglutina a máis de 40 asociacións en toda cunha ampla base voluntaria, non quixo deixar pasar esta oportunidade de colaborar coa exposición.