Na categoría A, dirixida aos alumnos/as de 5º e 6º de primaria, o primeiro premio recaeu no traballo titulado O barco de cor, de Paula Cutrín Calvo, alumna de 5º no CEIP Os Casais. Na categoría B (para 1º e 2º de ESO)  resultou premiado o microrrelato titulado O artista inesperado, de Xiao Calvo Sanjurjo, alumno de 1º de ESO do IES de Fene. Na categoría C (3º e 4º de ESO)  o primeiro premio foi para o traballo A alarma, de Noelía Freire Fernández, alumna de 4º de ESO do IES de Fene. Na categoría D (para bacharelato e ciclos formativos) o premio quedou deserto ao non resultar seleccionado ningún traballo desta categoría.

O xurado, presidido pola concelleira de Cultura Rocío Bértoa, e formado por 2 membros (1 profesor/a e 1 alumno/a) nomeados polos centros de ensino participantes, agradeceu a participación do alumnado dos centros que concorreron a esta IV edición do Certame de Microrrelatos, deixando constancia da calidade, diversidade e do elevado número de participantes. Salientou tamén a variedade de temáticas recollidas nos traballos presentados nesta edición: amor, humor, misterio…

Cinco centros educativos do Concello de Fene participaron nesta IV edición do Certame : o CPI A Xunqueira, o CEIP de Centieiras, o CEIP O Ramo, o CEIP Os Casais e o IES de Fene. Superada a fase de selección interna en cada centro, pasaron á final un total de 15 traballos que o Concello editará tanto en formato papel (libriño) como en formato dixital (pdf en web). A entrega de premios e a presentación da publicación faráse no Museo do Humor o vindeiro 30 de maio ás 20 horas.