"Séguese sen rachar co franquismo porque nin os gobernos do PP nin os do PSOE foron quen de acabar con isto. En ningún país europeo se podería dar esta situación; imaxinemos os herdeiros de Mussolini ou Hitler presumindo de casas ou pazos nas portadas das revistas", explica Manuel Monge, membro da CRMH, quen lembra que o pazo de Cornide, na cidade da Coruña, está nunha situación semellante e tamén é empregado pola familia do ditador para pasar varios días no verán. "É un claro incumprimento do espírito da Lei de Memoria Histórica", insiste. Hola publicou esta semana unha reportaxe na que a neta de Francisco Franco, aparece na entrada do Pazo de Meirás. A publicación anuncia a ruptura coa súa parella e destaca que entra “por primeira vez na histórica casa familiar”. A Xunta de Galicia declarou o inmoble Ben de Interese Cultural e desde o 2011 a familia ten que abrir o pazo ás visitas ao menos catro dias ao mes. Forzas políticas de Sada sinalan que esta obriga leva varios meses incumprindose e ninguén pode achegarse ao interior do Pazo