Referido ó idioma, o presidente das ANPAS de Ferrolterra referiuse tamén a que os mestres poidan ser libres para escoller a lingua na que queren impartir a súa clase. Asegurou que do mesmo xeito que nunca se penalizou a un mestre que falara en castelán cando o debería facer en galego, tampouco poderán castigar a un mestre que fale en galego. Asemade, o Presidente da Federación referiuse ós recortes que sufriron varios centros da zona a respecto do número de traballadores. Centros como os da Gándara, o Marqués de Suances ou o de San Xoan de Filgueira víronse afectados polos recorte de persoal, namentres que centros que se ven saturados polo número de alumnos non viron aumentado o seu persoal.