A Feira congregará este ano a máis de 200 expositores dos máis diversos sectores: desde a artesanía ata a industria, pasando polas institucións, as telecomunicaciones, o turismo, o fogar e a decoración, a automoción, a construción, a maquinaria agrícola forestal e a alimentación. Entre o 7 e o 12 de Xullo a superficie de máis de 25.000 metros cadrados, converterase no espazo ideal para o intercambio comercial e empresarial, para o contacto entre profesionais e co consumidor final, que tanto interesa ao expositor deste tipo de eventos. De entre todos os sectores representados, o turismo vai gañando cada vez un maior protagonismo nesta feira ferrolana, que en cada edición suma novos expositores, na súa maioría Concellos e institucións públicas dedicadas á promoción turística e que ven neste escaparate o espazo ideal para promocionarse como destinos turísticos de calidade. Máis de 35.000 visitantes pasaron pola anterior edición da Feira de Mostras do Noroeste para descubrir as últimas novidades do mercado e ao mesmo tempo gozar das actividades de lecer e entretenimiento que esta feira multisectorial lles ofrece.