Quén dixo que o número 13 non é un bo número?. Eva Puentes reta á superstición e celébrao por duplicado. O dia 13 de febreiro a súa perruquería “As tesoiras de Eva” está de aniversario. Cumple 13 anos. Por ese motivo nos achegamos a este negocio ubicado na Avda Marqués de Figueroa, porque celebran por todo o alto cos clientes, seguir traballando despois de 13 anos. Uns globos dourados representando o número 13, presidirán o local durante todo o mes de febreiro.

Eva Puentes vai agasallar á clientela cun montón de regalos procedentes dos establecementos veciños, que van dende ceas para dúas persoas ata a limpeza a fondo do coche, pasando por unhas botellas de viño ou cortes de pelo gratuítos. Os clientes que pasen polas Tesoiras de Eva ao longo do mes de febreiro entrarán nos sorteos. Ademais diso, os venres e sabados, están convídados a un vermú na propia perruquería mentres lles cortan o cabelo.

"Un negocio como este, hai que mimalo" afirma Eva Puentes, mimar á clientela e estar sempre ao día. A perruquería, sometida ao capricho das modas, esíxelle unha formación contínua. Ademais Eva Puentes pensa que acertou na especialidade elexida, que fose destinada ao público masculino, porque certo é que Fene non carece de perruquerías precisamente.

Moito traballo, bo trato aos clientes e unha pizca de sorte son o cóctel perfecto para que un local como As Tesoiras de Eva chegue a cumplir 13 anos. Brindamos por iso e porque cumpla moitos máis.