Acompañado do Delegado do Goberno, saudará ao personal que presta os servicios na base de salvamento de Vilar do Colo e os responsables da base, Marcos Riestra e Jaime Ponte, explicarán mediante unha infografía as características e funcionamento da Base Marítima para despois xirar unha visita polas instalacións. A construcción da infraestructura supuxo un investimento de oito millóns de euros De momento empleará aos catorce operarios xa existentes.

Fene é a base máis avanzada porque é a única que conta con instalacións propias de nova construcción, pensadas de xeito específico para os servizos que vai albergar. Tamén é, xunto coa de Sevilla, a de maior superficie e capacidade de almacenamento e xestión de equipos de toda España. Manifestouno así o ministro de Fomento José Blanco o 31 de marzo do 2010, nunha visita á base de salvamento de Vilar do Colo, daquela ainda en obras.

O recinto fenés contén, 65.000 metros de barreiras anticontaminación e un sinfín de elementos empregados nesa tarefa. A base tamén é a central de operacións do grupo de submarinistas de Salvamento en Galicia, para o que contan co único robot sumerxible a 1.000 metros de España, o ROV Comanche.

Hai un mes que comezou o traslado dos materiais almacenados na nave da antiga Imenosa en Navantia Fene, ata as novas instalaciones do polígono de Vilar do Colo. Todo está a punto para a inminente inauguración do sabado.
Rematado o acto de inauguración, ás 10 e media sairá o Ministro de Fomento en dirección á Coruña. Outras autoridades convocadas ao acto son a Directora de Sasemar, Mª Esther González, o director de operacións, Xaquín Maceiras e o xefe de operacións especiais, Juan Moreno. Tamén asiste o Capitán marítimo de Ferrol, Jorge Cao.