Sen sair do ámbito laboral, Galego lembra que Fene ten demandado unha nova Escola Obradoiro para a que xa están deseñados os cometidos: a rehabilitación de zonas como a pìsta polideportiva de Fonte do Campo; o parque Rosalía de Castro en Perlío ou a contorna das vivendas do Castro.

Dirixido á xente desempregada, disfrute ou non das prestacións por desemprego, é o programa “Ártabra emprega” unha iniciativa na que participan os concellos de Mugardos, Neda, Fene, Cabanas e Pontedeume. Cun investimento de 300.000 € trátase de formar a 100 persoas en paro para reubicalas no mercado laboral, segundo explica o alcalde de Fene. O compromiso de "Artabra Emprega" é que ao final da formación consigan un traballo, dun ano de duración, o 35% dos participantes. Por certo que neste momento o concello de Fene ten outorgado un curso de formación de pintores-as que fan prácticas pintando o edificio do Xulgado.