Puntual, ás 12 da mañá chegou a Fene o presidente da Deputación da Coruña, Salvador Fernández Moreda. O alcalde Iván Puentes recibiuno ás portas da casa do concello, acompañado dos membros da corporación municipal entre os que se encontraban os portavoces de todolos grupos políticos. Fernandez Moreda anuncioulles o desbloqueo dos POS retrasados dende o 2007, obras que no seu conxunto suporán un investimento de 1 millón seis centos mil euros.

O alcalde de Fene, Iván Puentes, agradeceu ao presidente provincial o esforzo inversor da Deputación no concello fenés, nos plans de obras e servicios, na Travesía de Barallobre,no campo de futbol dos Pinares, pero tamén nas reformas dos pavillóns polideportivos ou da Casa de Cela no Parque Castelao.  

Despois do encontro coa corporación fenesa, Fernandez Moreda, revisou en Barallobre as obras da travesía que conduce aos Institutos onde saudou aos seus directores. Contra as 13:00 horas trasladouse ao campo de futbol dos Pinares para proceder á inauguración oficial e para colocar a primeira pedra dos vestiarios. O campo de herba artifical custou á Deputación 500.000 € aos que hai que engadir 200.000 máis que valen os novos vestiarios. Fernandez Moreda anunciou que as obras da travesía,paralizadas por duas veces, remataránse  no mes de marzo. Contan cun investimento total de 390.000 € que aportou na sua totalidade o órgano provincial.