O proceso selectivo constará dunha proba física que se celebrará o dia 15 de maio na praia de San Xurxo, a partir das 10.00 horas e que consistirá nunha proba combinada de carreira, nado con aletas e arrastre de floppy e carreira. Este ano introducirase unha proba teórica que deberán realizar aqueles aspirantes que queiran optar á funcion de xefe de Posto. A proba estará enfocada a aspectos de organización e coordinación do servizo, e levarase a cabo o 29 de maio.

Os aspirantes a socorristas que queiran participar neste proceso de selección deberán estar en posesión do título de Socorrista Acuático e preinscribirse previamente nas oficinas de Xemade, a empresa contratada polo Concello de Ferrol para a prestación do servizo de salvamento e socorrismo nas praias. Neste senso, deberán dirixirse á súa oficina, ubicada na rúa Fernando VI, número 28, ou contactar no teléfono 981 946 643 ou da dirección de correo electrónico.