O concurso de beleza e estampa de eguas e cabalos, de diferentes razas, idades e oficios, as probas de arrastre e de andadura, non faltarán tampouco nesta vixésima edición. A doma, os enganches e as carreiras finais completan os concursos para os que se dispón dos correspondentes premios.
 
A pesar da crise e de que o presuposto quedou conxelado, a festa vai para adiante grazas aos veciños, aos comerciantes e ás institucións que a apoian, segundo declara un dos membros da Asociación veciñal de Magalofes, Manuel Pico.
Centos de cabalos e eguas prepáranse, a estas alturas de agosto, para dirixirse o domingo 29 á XX Festa do Cabalo de Magalofes en Fene. Repetiráse o concurso fotográfico sobre a festa, iniciado o ano pasado.