Apostamos por unhas festas libres, abertas, gratuítas e participativas e por iso abrimos este correo” declarou esta mañá a concelleira de festas, María López. Os cidadáns teñen moito que dicir e escoitarase a súa opinión, engadiu. Propostas de música de folk, pop, rock, jazz… Todo é ben recibido á hora de preparar o cartaz definitivo dos festexos veraniegos de Ferrol, que se celebrarán a última semana de agosto rematando o día 31, cos tradicionais fogos de artificio de San Ramón.

O prazo para as votacións remata o 17 de marzo para definir o cartaz o antes posible, sinalou a edil. O resultado da enquisa pódese ir consultando na páxina web do concello www.concellodeferrol.es.Tras a consulta, contactarase cos grupos máis demandados para coñecer o seu caché, a súa disponibilidade, se están de xira e axustar o presuposto co que contan, 275 mil euros. “Hai que equilibrar os cartos e facer malabarismos. Tentarase que os concertos sexan gratuítos xunto cun de pago como o ano pasado” destacou a concelleira.

López fixo un chamamento aos hostaleiros da cidade para que se impliquen nas festas e nas actividades programadas co gallo das mesmas. Deste xeito os festexos do verán en Ferrol suporán un repunte para a hostalería, segundo afirmou.