As obras na rúa Ameneiral, na parroquia de Perlío, contemplaron a ampliación da beirarrúa da marxe oeste no tramo existente ata a Avenida Marqués de Figueroa. Instalouse pavimento de baldosa hidráulica similar ao existente. Así mesmo, pavimentouse o firme e adaptáronse as tapas de pozos e rexistros á nova rasante, completándose coas obras de sinalización necesarias. Unha intervención moi necesaria dado o seu estado, a vía atopábase nun máis que precario estado de conservación tras as obras de substitución das canalizacións realizadas por Viaqua, polas que o pavimento quedou levantado en diversos treitos, con fochancas e pedras soltas.

Respecto ó vial de acceso á Escola de Magalofes, ampliouse o paso salvacunetas e procedeuse tamén á pavimentación do firme. E, no tocante á estrada de acceso ao polígono industrial de Vila do Colo dende Limodre, o Concello realizou rebacheos puntuais, procedeu á pavimentación do vial e executou tarefas de sinalización horizontal na intersección coa estrada provincial DP-3501.