Francisco Jorquera sinalou, esta mañá en Ferrol, que con esta proposición diminuirase a dependencia da cidade co Ministerio de Defensa. O nacionalista achacou a carga tributaria dos ferroláns a “tanta instalación de Defensa exenta de impostos”. Para diminuir esta cantidade é necesario arbitrar unha solución que pasaría pola compensación de carácter permanente a cargo dos Presupostos Xerais do Estado polo enorme gasto que implican estes bens exentos de tributación, explicou. Asemade requírese o pago das débedas acumuladas no imposto do IBI por Navantia.  

No eido urbanístico, o voceiro nacionalista demanda ao goberno central, a desafectación dos bens inmobles en desuso ubicadas en ferrol dependentes de Defensa e o traspaso da súa titularidade ao concello. Ademais reclama a demolición e susbtitución da muralla entre a porta de Navantia e o edificio de Herrerías.