O cinema amador incorpora a capacidade de fascinar e sirve para tomar consciencia da fugacidade do tempo,en palabras de Fernando Redondo. O ex director do Centro Galego das Artes da Imaxe Guillermo Escrigas rescatou arredor de cen películas filmadas por Alfonso Piñón en Galicia, a maior parte delas na comarca de Ferrol. Filmou entre outros asuntos a inauguración do Monumento ao Camiñante Descoñecido de Barallobre. As películas de pouco máis de un minuto de duración deullas unha irmá de Alfonso Piñón. Coincidira con ela nunha cea de ferroláns en Madrid a Noite das Pepitas.
As películas de Piñón responden a un intento de recuperar, conservar e revivir os momentos felices da existencia. Turismo, fotografía, cinema e deporte como espectáculo emerxen de xeito simultáneo, entre finais do XIX e comezos do século XX. As películas buscaban reter, recrear e recuperar a felicidade e gardan a memoria viva dos acontecementos e das persoas. Dese cine amador, fálase no libro de Fernando Redondo “Os amorodos de Bergman” publicado por Editorial Galaxia.