Fotografía: Xan Xe Corral

Fichou polo Racing de Ferrol co que debutou coa selección española sub 15. Desde moi novo destacou polo seu olfacto goleador e polo acerto diante da portería rival. Con 14 anos Marcos Novo Marta marchou a Valencia.No terceiro ano vestiu a camisola do Valencia B. Despois dun periplo por diferentes equipos, xogou co Balaguer a final da Copa Catalunya. Marcou o 2-2 ao  Fútbol Clube Barcelona e tamén o penalti decisivo que lle deu o título da Copa Catalunya. Un equipo de Terceira gañoulle a un Barça con Luís Enrique, Puyol e Xavi. Pasou despois 8 anos en Brasil onde xogou no Timbaúba e no Sinop onde montou unha escola de fútbol que chegou a ter máis de 200 rapaces. Volveu a Galicia e nesta tempada xoga en Primeira Galicia co Miño, clube no que adestra ao prebenxamín, benxamín e cadete. Con 42 anos esta tempada colgará as botas cando finalice a Liga e a Copa.