ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Buscando a herba de namorar o Club Montaña Ferrol retoma o Camiño a Santo André de Teixido. Ademais da herba tamén queren denunciar o abandono do itinerario con moitos tramos nos que o viandante ten dificultades para seguir o camiño. A paisaxe é de impresionante grandeza de costa oceánica
O percorrido interpretativo, de coñecemento e denuncia, cubrirá vintecatro quilómetros saíndo as nove da mañá do domingo 26 de xaneiro de Canido en Ferrol. Está prevista a chegada ás seis da tarde a Teixido, desde onde un autobús traerá de volta ás persoas participantes. É necesaria inscrición previa. Pasarase polo muíño das Aceñas, Pazo Libunca e San Pedro de Loira. Ao chegar a Porto do Cabo, servirase unha cunca de caldo. Logo continuase camiño por Candales e Milladoiro, ata chegara Teixido.
A herba de namorare
A herba namoradeira,
A herba de namorare,
Tráiocha na faltriqueira.
Ao Santo André de Teixido, … vai de morto o que non foi de vivo. Di a vella sentenza e a crenza agrega que as almas dos que non cumpren en vida realizan a viaxe en forma de lagarto ou sapo despois da morte.
Publica o teu comentario agora