“O peso da memoria é un título que busquei porque penso que a memoria é algo moi importante sen ser un órgano do corpo. Ten moita importancia na personalidade. Dende que nacemos estamos facendo a memoria. A memoria pode ser positiva, negativa…pero sempre ten un peso. A memoria pesa en nós de tal maneira que determina o noso carácter e o noso comportamento na vida. Neste caso, trátase dunha memoria auditiva porque quen viviu nunha aldea sabe o que son as carricantas, os grilos, tódolos paxaros etc”, afirma Rafael Catoira. Ademais, o tamén autor da novela O Escultor desvelou nos estudos de Radio Fene que ten outra novela xa escrita. "Teño outra novela que está escrita sobre os mitos clásicos. Neste caso é Medea na época da Guerra Civil e na que tomo a Guerra Civil como referencia de paisaxe”.