A empresa auxiliar de Navantia Fene,  INDASA, podería ser o destino dos dous ex traballadores de Montaxes Cabral, se prosperan as ultimas xestións que se levan a cabo para recolocalos. Esta mañán dende a dirección de Navantia se poñían en contacto co alcalde de Fene para comunicarlle que entre esta tarde e mañán podería haber resultados. Os ánimos entre os dous traballadores pechados dende hai unha semana na casa do cocnello de Fene, son bos dentro do que cabe porque están recibindo a solidaridade de moitas persoas que os acompañan cada día. Esta mañán coñecimos a noticia da man dun dos pechados, Juan fernandez, que nolo comunicaba a ultima hora.

A posibilidade de recolocación na empresa INDASA xa se barallara ao principio desta loita. A recolocación daríase respectando a antiguidade e demais dereitos laborais e sociais dos dous operarios.